Музей ткацтва/Музей традыцыйнага ручнога ткацтва

1176 подписчиков

Музей ткацтва – гэта своеасаблівы куточак беларускасці, нацыянальных абрадаў, сакральных ведаў. Музей раскрые для сваіх наведвальнікаў таямніцы вырошчвання і апрацоўцы лёну ў канцы XIX — пачатку XX ст. на тэрыторыі Паўночнай Беларусі, распавядзе аб самым распаўсюджаным і старажытным відзе народнага дэкаратыўна-прыкладнога мастацтва – ткацтве. Пабачыўшы ўзоры на тканых і вышываных вырабах, вы адкрыеце для сябе бяздонную крыніцу культурна-гістарычнай спадчыны. Дзеля таго, каб мудрасць нашых продкаў загучала ў мелодыі вашага Свята, Музей запрашае маладыя пары прайсці вясельны абрад «Як зліліся дзве рэчанькі...», скіраваны на забеспячэнне дабрабыту і шчаслівай долі новаўтворанай сям’і. Каб захоўваць, аднаўляць і скарыстоўваць спадчыну, назапашаную стагоддзямі, Музей ткацтва прапаноўвае паўдзельнічаць у фальклорных святах (Каляды, Гуканне Вясны), падчас якіх вы атрымаеце асалоду ад аўтэнтычных беларускіх спеваў і традыцыйных беларускіх гульняў і танцаў. Чалавек, як і расліна, не можа жыць без каранёў. З аднаго боку, мы чыйсьці працяг, а з другога – пачатак. Мы павінны расці і развівацца далей. А як гэта зрабіць, не спазнаўшы сваіх каранёў? Калі ведаеш як жылі твае продкі, чаго хацелі, пачынаеш разумець і свае жаданні.