Ғаилә усағы

41828 подписчиков

Ғаилә – үҙенсәлекле социаль берләшмә, аҡыл көсө менән барлыҡҡа килгән айырым донъя. Унда яңы тормош, яңы кеше тыуа. Ғаилә аша ғына һин үҙ булмышыңды аңлайһың, бары тик унда ғына иң яҡшы кешелек сифаттарын, рухи көсөңдө үҫтерә алаһың. Сабыйҙарыңды киләсәктә ниндәй итеп күргең килһә, башта үҙеңә шундай булырға кәрәк. Балалар ата-әсәләренән өлгө ала. Улар ата-әсәнең ҡарашын, фекерләүен һәм рухи ҡиммәттәрен үҙләштерә, бөтә аҙымын ҡабатлай. Балам эшемде күрмәй, һөйләгәнемде ишетмәй, тип уйлау – үҙ-үҙеңде алдау ғына ул. Шулай итеп, балаға ата-әсәнең төп бүләге – өлгөлө холоҡ.